Ola de novo!!
Sinto tervos un pouco abandonados, pero volvo de novo con máis ganas que nunca!
Neste mes estamos lendo O SEÑOR IBRAHIM E AS FLORES DO CORÁN, de Eric- Emmanuel SCHMITT.
Momo é un adolescente xudeu, desorientado e orfo de agarimo. Ibrahim é un tendeiro musulmán, de carácter reflexivo e pausado, cunha visión da vida marcada pala perspectiva e a experiencia dos anos. Dous habitantes solitarios da rúa Azul, no París dos anos 60, que traban unha entrañable amizade que trascende as súas respectivas crenzas. Un aporta vitalidade, o outro sabedoría...
QUEDAMOS O MARTES DÍA 13 DA ABRIL AS 11:00 NA BIBLIOTECA!!!
"Pardal é un rapaz que vive no ano 1936 nos tempos da II República. O seu mestre, Don Gregorio, era republicano e ateo, e lévarono os franquistas cando a sublevación do 36, como a moitos máis. Pardal mentres levaban ao mestre no camión tiroulle pedras e berroulle todas as palabras que el lle aprendera na clase e nas excursións que facían. O seu pai tamén era ateo, pero desfixose de todo o que o comprometía porque tiña medo de que tamén o levaran a el."
O xoves, 2 de decembro pola tarde, tivemos un club de lectura na biblioteca do noso instituto, con alumnas e alumnos de 1º de bacharelato. Pasamos un rato moi entretido comentando diferentes aspectos da novela de Darío Xohán Cabana. O que máis nos sorprendeu a todos foron as viaxes através do tempo do protagonista Galván, desde o presente até a idade media. Velaquí algúns dos comentarios dos lectores que participaron no clube
"Foi emocionante cando Galván gañou as batallas aos cabaleiros de cores coa forza do sol" Ana Domínguez Viejo ( 1BC-1)
